Rêl station-te buaipuitu tur din

Mizoram sorkar chuan tun hnai khan Mizoram chhunga rel chawlhhmunte a ṭul anga buaipuitu tur Coordination Committee a din a, Chief Secretary-in a kaihruai dawn.

Sairang Railway Station hawn a nih hnuah Mizorama rawn zin an pun avangin Mizoram sorkar chuan Mizorama rel chawlhhmun hrang hrangte ṭha taka a kal zel theih nan a ṭul anga buaipuitu tur Coordination Committee a din a; chairman atan Chief Secretary leh member secretary chu GAD Secretary ruat an ni.

Member dangte chu - Excise & Narcotics Secretary, Tourism Secretary, LESDE Secretary, Home Secretary, Transport Secretary, Northeast Frontier Railway Chief Engineer leh Lumding Divisional Manager, Aizawl DC leh Aizawl SP te an ni.

Committee Chairman-in ṭul leh ṭha a tih angin official aṭangin a duh chuan invitee a sáwm thei bawk ang.