Sairang station-a parking fee tichiang

Northeat Frontier Railway (NFR), Lumding Divisional commercial manager Dhrubajyoti Barman chuan January 19, 2026 Thawhṭanni khan Sairal rel chawlhhmuna lirthei dah (park) man a tarlang.

Sairang rel chawlhhmuna lirthei dah man khawn danah thil fel lo a awm nia sawi a nih avangin Chief Minister chuan enfiaha hma la turin OSD to CM Jonathan Lalremruata a ruat a; OSD hian NFR hotute hnena a thlen a ni.

NFR divisional commercial manager Dhrubajyoti Barman chuan OSD to CM hnenah lehkha thawnin, parking fee chu bituk aia sangin contractor-in a lak ngei thu leh, dan a bawhchhiat avangin dan anga action an lak thu a hriattir. Bituk zat (notified parking tariff) aia sanga parking fee la tawh lo tura hriattir a nih thu te, dik lo taka a ti leh a nih chuan contract tihtawp thlenga hmalak a nih tur thu an hriattir thute a tarlang a; NFR-in parking fee a bithliah zat a tarlang bawk.

SAIRANG STATION-A PARKING FEE

SN Darkar Cycle 2Wheeler Car

1. 0 - 2 Rs 3 Rs 5 Rs 10

2. 2 - 6 Rs 5 Rs 10 Rs 20

3. 6 - 12 Rs 10 Rs 20 Rs 30

4. 12 - 24 Rs 15 Rs 30 Rs 40

5. 24+ (daily) Rs 18 Rs 30 Rs 40

6. Thla 1 Rs 300 Rs 600 Rs 800