SNA SPARSH sawiho a ni

Nimin khan chief minister Lalduhoma hoin CMO conference hall-ah Single Nodal Agency System for Public Account Routing System for Harmonised transfers (SNA SPARSH) chungchang sawiho a ni a; Forest minister Lalthansanga, Rural Development minister Prof Lalnilawma, adviser to CM TBC Lalvenchhunga leh official-te an tel.

Ṭhutkhawmah hian sorkar laipui hnuaia hnathawh SNA SPARSH hmanga sum kal dan thar sawifiah a ni. Sorkar laipui lama scheme kalpui mek 66 zingah Mizorama kalpui theih (relevant) scheme 40 a awm a, chung zinga scheme 34-ah SNA SPARSH fel taka chettir a ni.

Mizoram hi SNA SPARSH kaltlanga sum che vel zawng zawng aṭanga chhûtin hmarchhak state zinga che ṭha ber a ni a, ram pumah a ti ṭha 10 zingah a tel. Scheme-te hun tiam chhunga ṭha taka kalpui a nih chuan hmalak ṭhat lawmman SASCI aṭangin cheng vbc 350 hmuh theih a nihh avangin, lawmman dawng thei tura hmalak dan tur an sawiho bawk.