MLA hlawh pun dodal vangin lawm

ZPM Southern Headquarters, Lunglei chuan thuchhuah siamin, ZPM chu Mizoram MLA-te hlawh tihpun duh lotu an nih thu leh, Assembly House-ah MLA hlawh tihpun chung-chang sawihonaah ZPM thlawp independent MLA-te'n hlawh tihpun an dodal chu chhuanawm an tih thu an tarlang.

Lunglei ZPM chuan, kum 2018-a Legislative Assembly inthlanpuiah, ZPM election manifesto-ah chuan, ‘ZPM sorkar chuan sorkar tirh aṭanga kum 5 (term khat) chhung chu MLA hlawh kan tipung lo ang’ tih an aupui thu an tarlang a, "MNF sorkarin MLA hlawh a lêt aia tama a tipung hi kan principle kalh a ni. Sorkarna chang lo mah ila kan principle-a din chu kan ZPM support MLA-ten an tih turah ngaia Val Upate Council-in kan principle-a ding tura thurâwn an pek vanga hlawh punna bill sawihonaah ZPM support MLA-te'n an dodal a, vote lak huna ‘remti lo’ an ti hi kan chhuang hle a ni," an ti.