Ṭhalai 1,022 inzirna atan MoU ziak

Mizoram thingtlanga ṭhalai 1,022-te DDU-GKY hnuaia thiamthil zirna (skill development training) buatsaih turin Mizoram State Rural Livelihoods Mission (MzSRLM) leh project implementing agency pasarih chuan January 20, Thawhlehni khan thawhhona thuthlung, memorandum of understanding an ziak.

Thuthlung hi Rural Development & Administration secretary R Zarzosanga kaihhruaiin ziah a ni a; MoU hnuaia zir theih turte chu - puanṭhui (fashion designing, puanṭhui khawl enkawl (sewing machine operator), mikhual enkawl leh kaihhruai (guest service associate), solar Pv bun leh general duty assistant te a ni.

MzSRLM hotute sawi danin, DDU-GKY hnuaia training kalpui leh tur hian MoU ziah tak hi bawhzui nghal tur niin, thiamthil zir duhte zawn a ni dawn a; training hmun tur chu Aizawl leh Guwahati a ni.

Deen Dayal Upadhyaya Grameen Kaushalya Yojana (DDU-GKY) hi Mizoramah kum 2018 aṭangin DDU-GKY project kalpui a ni a; thingtlang ṭhalai kum 18-35 inkar tan a thlâwna thiamthil zirna buatsaih ṭhin niin, inzir chhuakte chu Mizoram leh India ram hmun dangahte hna zawnpui ṭhin an ni.

DDU-GKY hnuaiah Mizoramah ṭhalai 3,897-te’n thiamthil an zir chhuak tawh a; chu’ng zinga mi 2,580 chu Mizoram chhung leh India ram hmun danga 5star hotel leh resort, call center, cabin crew leh a dangahte hna hmuhsak tawh an ni.