Free Geriatric Caregiver Course ṭan

Mission Foundation Movement (MFM) hnuaia Regional Resource Training Centre (RRTC) for Senior Citizens chuan nimin khan Lunglei, Champhai, Saitual leh Mamitah a thlâwna upate enkawl zirna, Free Geriatric Caregiver Course an ṭan.

Geriatric Caregiver Course-ah hian batch khatin thla thum a awh dawn a, district pali-ah hian zirlai 30 ṭheuh an awm. Lungleiah chuan PSM Training Centre-ah kalpui a ni dawn a, Champhaiah chuan CHANEM, Saitualah chuan Bawrhsap Multipurpose Centre leh Mamitah chuan JSS Training Centre-ahte kapui a ni ang.

MFM hian RRTC hnuaiah hian Mizoram bakah Assam, Meghalaya & Arunachal Pradesh state-te an enkawl a; zirlaite thla tin stipend pek an nih dawn bakah, khualkhua aṭanga training-te tan hostel a awm. Course-ah hian theory class bakah, district hospital ṭheuhah practical neih a ni dawn a; zir chhuakte hnenah certificate pek a ni ang. Mizoram pawna damdawi-in leh upate enkawlna hmunah an thawk thei dawn a ni.