CS hoin JJM hmalakna thlir let

State Water and Sanitation Mission Apex Committee chu January 20, Thawhlehni khan CS conference hall-ah an ṭhukhawm a; chief secretary Khilli Ram Meena-a'n kaihruaiin, Jal Jeevan Mission (JJM) hnuaia Mizorama hmalaknate an thlirho.

Ṭhutkhawmah hian JJM hnuaia Mizorama hna thawh zawh tawhte leh la kal mekte thlir a nih bakah, hna thawk zo tura rokhawlhna awmte leh a chin fel dan tur sawiho a ni. Chief Secretary chuan, JJM a hlawhtlin theih nan department hrang hrang nen thawhhona ṭha neih a pawimawh thu a sawi.

JJM hnuaiah Mizoramah scheme 852 kalpui a ni a, scheme kaltlangin thing-tlanga in tin, sikul leh anganwadi centre zawng zawngah tui connection pek a ni tawh tih tarlan a ni.