March 15 hmain lo hâl vek tur

State Level Sub-Committee on Fire Preven­tion chu nimin khan an chairman Lalthansanga, Environ­ment, Forest & Climate Change minister hoin Secretariat conference hall-ah an ṭhukhawm a; February 9-13, 2026 chhungin Fire Prevention Week hman an rêl bakah, lo hal hun hnuhnung atan March 15 an ruat.

Ṭhutkhawmah hian February 9-13, 2026 chhungin kângmei vên hapta, Fire Prevention Week hman an rêl a, thupui atan 'Nungchate chenna leh tui thianghlim min petu ramngaw kângmei lakah venghim rawh' tih an thlang.

Kumin 2026-a lo hâl hun hnuhnung atan March 15 an ruat a; Lengpui leh a chhehvela lo hâl turte tan tlai lama thlawhtheihna thlawk chhuak hnuhnung ber hnu lamah chauh hâl tura tih a ni. Fire Prevention Award sem leh an rêl bawk.

Minister Lalthansanga chuan, Mizorama ramngawte chu kângmei lakah venhim a ṭul thu sawiin, "Ecological balance vawnhim nana kângmei ven a pawimawh a, a hun taka chêt lâk leh inhmakhua lâwk a pawimawh," a ti a; kângmei vên lamah an ngaihdan leh thâ leh zung sêng turin kal khawmte a sáwm.