Alu chìn dan leh enkawl dan zirtir

KVK, Kolasib chuan nimin khan an hmunah alu chìn dan leh enkawl dan zirna an buatsaih a, Kolasib district-a khaw pasarih aṭangin loneitute an tel.

Training hi Kolasib KVK head Dr Michelle C Lallawmkimi'n a kaihruai a; Mizoram chu alu-ah a intodelh loh avangin loneitute'n alu an chin uar lehzual a pawimawh thu a sawi. Central Potato Research Institute Regional Centre, Shillong-a Horticulture scientist Dr Janani P chuan alu chin dan leh enkawl dan a zirtir. Vawiinah alu chinna hmuhte tlawh a ni ang.

Alu chingtute hnenah CPRI, Shillong leh Indian Agricultural Research Institute, New Delhi aṭanga a thlawna dawn alu chi, a chi hrang pali kg. 6,000 leh a enkawlna damdawite sem nghal a ni.