ZPM Ṭhalaite'n kawng siam an enfiah

ZPM Ṭhalai Gen. Hqrs hruaitute chuan nimin khan NH-6 kawngpui siam mek a hmunah an tlawh a; an president Jeje Lalpekhlua, MLA chuan, kawng siam chu ZPM ṭhalaite'n an vil reng dawn thu leh a ṭul angin kawng siamtute an nawr dawn thu a sawi.

Jeje Lalpekhlua chuan, NH-6 chu October 2025 khan Mizoram PWD-in NHIDCL hnenah an hlan tih a sawi a, "NHIDCL mawhphurhna pumhlûm ni tawh mah se, Mizoram mipui ei leh bar lak luhna kawng pawimawh a nih avangin kan vil reng dawn a, mipuite'n kawng ṭha kan neih theih nan NHIDCL hotute pawh a ṭul anga nawr chhunzawm zel kan tum," a ti a; kawng siamtu contractor-te chu ṭha tak leh chak taka thawk turin a chah.

ZPM Ṭhalai hruaitute hi NHIDCL executive director Adelbert Susungy leh general manager BK Shrivastava bakah, kawng siamtu contractor hotute'n an zui a; NHIDCL hotute chuan, kawngpui chu July 7, 2026-ah siam zawh an tum thu an sawi a ni.