UDPA-in an hnathawh an thlir let

Urban Development and Poverty Alleviation department chuan nimin khan an minister K Sapdanga hoin Planning & Programme Implementation conference hall-ah an hnathawh an thlir lêt.

UDPA Minister chuan, department-a thawktute thawhrimna avangin a lawm thu a sawi a; mipui tan taima taka thawk zel tura fuihin, "Duh ang leh beisei anga hna thawh ṭhat tawk lohte pawh uluk zawka vil chhunzawm zel a ṭul," a ti.

Thlir letnaah hian UDPA department enkawl pisa hrang hrang - Directorate, Aizawl Smart City Limited, Aizawl Municipal Corporation leh Lunglei Municipal Council-a hnathawh te, hmabak thawh dan tur te, harsatna awmte thlirho a ni.

Ṭhutkhawmah hian district hrang hranga deputy commissioner leh district urban development officer-te chu video conferencing kaltlangin an tel a, rawtna an neihte an thlen.