PHE leh CYMA-in MoU an ziak

Public Health Engineering department leh Central YMA chuan Mizorama tuihna humhalh leh a awm sa tihpun kawnga thawkho turin nimin khan thawhhona thuthlung an ziak. Thuthlungah hian PHE engineer-in-chief Zodinthari leh CYMA president R Lalngheta ten hming an ziak a ni.

Tuihna humhalhnaa thawk dun turin PHE leh CYMA hian kum 2012-2025 chhung atan thuthlung an lo ziak tawh a, thawhhona chu pawtseiin, kum 2026-2028 chhung atan thuthlung an ziak leh ta a ni. PHE department leh CYMA hian kum 2017-2025 chhung khan fai leh thianghlim inzirtirna chungchangah an thawk dun tawh bawk.

Kum hnih daih thawh dunna thuthlung an ziah hian thil tum pahnih a nei a; chu'ngte chu 'Tuihna humhalh leh a awm sa tihpun' leh, Faina leh fai duhna thinlung nena changkanna lamtluang zawh' tih a ni.