Digi SAPNE 2.0 Aizawl Roadshow

Atal Incubation Centre - Sikkim Manipal University Technology Business Incubation Foundation (AIC-SMUTBI) chuan nimin khan Mission Venga Tharthilthlentu - TiLi Incubator office-ah Ministry of Electronics and Information Technology hnuaia Digi Startup Accele-ration Program for North East (SAPNE) 2.0 Aizawl Roadshow an buatsaih.

Digi SAPNE hi Ministry of Electronics and Information Technology hnuaia din a ni a, a tum chu - hmarchhak biala mahnia dinchhuah tum (entrepreneur)-te ṭanpui a ni. Aizawl Roadshow hi Mizoram Startup Mission chief executive officer Rinzuala leh Programme Implementation, Monitoring & Evaluation team lead Lalruatsanga Ralte ten an hmanpui.

Digi SAPNE tech startup zingah tourism, agri-tech, artificial intelligence leh cloud technologies, etc. tan ṭanpuina cheng nuai 8-10 thleng dil theih a ni a; mentorship support leh kawng hrang hranga puihna an dawng thei bawk. Puihna sum dil duh tan www.smutbi.com ah January 25, 2026 theng dil theih a ni.