National Girl Child Day hman a ni

Women & Child Development leh 3rd Battalion MAP buatsaihin nimin khan 3rd MAP Roll Call Ground-ah National Girl Child Day hman a ni a, Home minister K Sapdanga'n a hmanpui.

K Sapdanga chuan, hmeichhe naupangte kawng hrang hrang aṭanga chawimawi dawng thei an awm te, an tana lawmpuina thuchah sawina hun a nei thei te chu lawmawm a tih thu a sawi a, "Hmeichhe naupangte tana hmun him siam a, hmeichhe naupangte chu eng ang dinhmun aṭanga lo kal pawh ni se, inthliarna awm loa an ṭhanlen theihna tur leh an kalna apianga kaihruaitu ni thei tura hun remchang siamsak theih ni se," a ti a' hmeichhiate chu ram leh hnam humhimtu an nih theih nan police-a luh tum turin a sáwm.

National Girl Child Day hi January 24-ah hman ṭhin a ni a, kumin hian Inrinni a nih avangin nimin khan hman a ni.