IndiaAI Digital India Workshop buatsaih
Information & Communication Technology (ICT) department leh NIELIT, Aizawl chuan nimin khan chuan nimin khan NIELIT Aizawlah Digital India leh artificial intelligence (AI)-in India ram a nghawng dan zirhona 'IndiaAI Digital India Workshop' an buatsaih a, ICT secretary Dr YLN Reddy-a'n a hmanpui.
Workshop hi Ministry of Electronics and Information Technology-in February 19-20, 2026 chhunga New Delhi-a a buatsaih tur ‘India AI Impact Summit 2026’ atana inhmakhuana a ni a; MeitY hian AI-in danglamna a thlen theih dan leh chu chu hmang ṭangkai tura ṭhalaite leh zirna-inte hnufûm bik lo tura zirtirna pek chu a tum a ni.
NIELIT Aizawla zirlaite leh thawktute bakah, ICT department hotute an tel a; ICT department hnuaia State e-Mission Team-te'n IndiaAI Mission leh Digital India initiatives (DigiLocker, UMANG, myScheme, etc) tihte an zirtir a; zirlaite pualin AI quiz buatsaih a ni.
Dr YLN Reddy chuan, India sorkarin khawvel huapa AI lama hmahruaitu ni thei turin hma a lak mek thu a sawi a; NIELIT Aizawl director Dr T Gunendra Singh chuan, NIELIT Aizawlin IndiaAI laboratory changtlung tak a neih thu a sawi.