Vawiinah Republic Day lawm a ni dawn

Vawiin January 26 hi India Danpui (Constitution) hman ṭan ní, Republic Day vawi 77-na a ni a, Mizoramah pawh hmun hrang hrangah lawm a ni dawn a, a lawmnaa tel ṭheuh turin sorkar chuan Mizoram mipui a sáwm.

Republic Day vawi 77-na hi Aizawlah chuan Lammualah lawm a ni dawn a, zing dar 9-ah Governor Gen. Dr Vijay Kumar Singh-a'n hnam puanzar a pawtpharh ang. Larsap hian parade contongent-te'n hnam puanzar chibai an bûk a chhang lêt ang a, thuchah a sawi bakah, lawmman leh chawimawina chi hrang hrang a sem dawn a ni.

Larsap hian chawhma dar 11-ah Lok Bhavan-ah sawm bikte tan Governor's At Home a buatsaih dawn a, thingpui ruai kîlho a ni ang.