YMA-in ruihhlo do dan tur an duang

Central YMA chuan kumina YMA kumpuan 'Ruihhlo do' chungchanga hmalak dan turah January 23, 2026 zan khan Dawrpui Multipurpose Hall-ah inràwnkhawmna an buatsaih a, Aizawla YMA branch office bearer-te an tel.

Inrawnkhawmna hi CYMA presidentr R Lalngheta'n a kaihruai a; ruihhlo donaah YMA branch-te pheikhai rual taka kal a ṭul thu te, fimkhur tak leh huai taka kal a ngaih dawn thu te, ruihhloa sumdawngte pal an ngaih chuan pal a ṭul thute a sawi.

Thupui sawi sawngtu CYMA vice president Prof. Lalnuntluanga chuan, "Ruihhlo vanga kan ṭhalai tam tak nunna chán tate leh tuna ruihhloin a bawh buai mekte avang te, kan ṭhalai ruihhlo la ti ve lote ven himna atan ruihhlo do hi YMA chuan kan tihmâkmawh, kan koa tla a ni," a ti.

Inràwnkhawmnaah hian Aizawla YMA branch hruaitute zinga rawtna neite'n an rawtnate an sawi a; rawtna hrang hrang aṭangin hmalakna tur khaikhawm a ni.

RUIHHLO DO BAWHZUI DAN TUR

1. Ruihhlo dona atan Aizawla YMA branch 111-te zone 10-ah inṭhen ni se.

2. Zone huam chhunga branch-te aṭangin Zone CADS mem-ber tur mi 3 ṭheuh ruat tur a ni.

3. Zone ṭhen/siam leh zone hruaitu tur ruat chu CYMA hruaitute'n an ruahman ang.

4. Zone hrang hrang hmalak ṭan hun chu CYMA-in a siam ang.