Ui khuahkhirhna thupek tichhuak

Aizawl district magistrate Lalhriatpuia chuan BNSS 2023, Section 163 tlawhchhanin Aizawl district-ah ui khuahkhirhna thupek a tichhuak a; ui khuahkhirh lohin mi a seh chuan BNS 2023, Section 291 hmangin ui neitu chu thla ruk chhung lung-in tàntir emaw, Rs 5,000 thleng chawitir tura emaw hrem theih a nih thu a tarlang.

District Magistrate chuan, ui vulhtute chu an ui vulhte ui â hri danna pe vek turin a hriattir a, "Khawlaiah zalen takin ui an chhuahtir mai mai tur a ni lo. An chhuahpui dawn a nih pawhin hrui (leash) rinawm takin an kai ngei tur a ni a, ui zun leh ek te khawlaiah an hnutchhiah tur a ni lo," a ti a; mi dang tana harsatna siam thei zawnga ui vulh lo turin mi tin a hriattir a ni.