Pawi khawihtu hrem ngei phût

North Vanlaiphai Welfare, Aizawl chuan thuchhuah siamin, Richard Lalhmingliana s/o R Lalawmpuia, North Vanlaiphai Damdawi Veng kutthlaktu nia hriat H Lalruatmawia police-te'n rang taka an man chu lawmawm an tih thu an tarlang a, "He pawikhawihna leh thihna chungchang hi chak taka an chhui chhuah thuai kan beisei a, kutthlaktu hian a phu tâwk hremna a hmuh ngei kan phût," an ti.

N Vanlaiphai Welfare chuan, H Lalruatmawia chet dan chu pawisak nei lo, nunrâwng taka chetna nia an ngaih thu sawiin, "Hetiang mi hi mi dangte tan pawha mi hlauhawm niin a lang. Hetianga tharum thawhna rapthlak tak hi a thlen tawh lohna turin kutthlaktu hi dan hmanga hrem ngei ni se kan duh tak zet a ni," an ti a; Richard Lalhmingliana chhungte an tawrhpui thu an sawi bawk.