World Disabled Day hman a ni

Social Welfare department (SWD) leh RMSA huaihawtin, nimin khan Zarkawt Recreation Centre-ah World Disabled Day hman a ni a, SWD secretary P Lal-chhuanga khuallian a ni.

Day hmanna in-khawm hi SWD direc-tor Vanlaldini'n a kai-hruai a, khuallian P Lal-chhuanga bakah, Natio-nal Institute for Loco-motor Disabilities-a officer Alendra Tripathi-a'n thu a sawi. Alendra Tripathi chuan, Ministry of Social Justice and Empowerment hnuaia scheme hrang hrang hmangin wheelchair, hearing aid, prosthetic, orthotic leh thil dangte a awm reng thu leh, a thlawnin registration tih theih a nih thu a sawi.

World Disabled Day hmannaah hian zaithiam hrang hrangte an zai bakah, rualbanlote'n zai leh lâmte an entir a, rualbanlo naupangte an hlim hle. World Disabled Day hi December 3 a ni a, Inrinni a nih avangin nimin khan hman a ni a, thupui chu 'Achieving 17 goals for the future we want' tih a ni.

Rualbanlote tana thawh
ṭhat lawmman, Recognition for Exam-plary Work for Disabled Persons chu Spastic Socie-ty leh Mary-Hechia Residential Special School, Zawnglingte hnen-ah hlan a ni a; lawmman hian Rs. 10,000 a keng.