KHAWTHLIR

Tarlan tur

Mizoram sorkar chuan thuchhuah siamin, Gauhati High Court-in a duh ang leh COTPA 2003-in a phût angin, sahdah leh tuibûr siamtu, zuartu leh hetiang thila sumdawng zawng zawngte'n sahdah leh tuibûr hralh turah mihring hriselna atana a pawizia tarlanna thuziak 'Tobacco causes cancer' tih leh 'Kumtlinglo hnena hralh phal loh' tih an tarlang (ziak) ngei tur a ni.

Lehkhabu tlangzarh

Boichhingpuii lehkhabu ziah, 'Mizo la deh leh ze thlan' tih chu nimin khan IPR Auditorium-ah Art & Culture minister R Romawia'n a tlangzarh. Lehkhabu hi Rs. 580 leh Rs. 450 man a ni a, Synod Bookroom hrang hrangah lei theih a ni.

Policy thlirho

MNF Policy & Programme chuan nimin khan Mizo Hnam Rûnah MNF general secretary zawng zawngte pualin policy leh programme an duan tharte thlirhona an neihpui a, MNF Policy & Programme chairman Dr R Lalthangliana'n
a kaihruai.

NATA exam

Higher & Technical Education department chuan thuchhuah siamin, kum 2017-2018 a Bachelor of Architect exam tumte tan April 16, 2017-ah Council of Architect-in National Aptitude Test in Architecture (NATA)-2017 exam an buatsaih dawn thu a tarlang.

Legal awareness

Mizoram State Commission for Women leh Mizoram State Legal Services Authority-te chuan, nimin khan Siaha DC conference hall-ah 'Legal awareness programme' an buatsaih a, MSWC chairperson Vanlalawmpuii Chawngthu-in a hmanpui. Inkhawmah hian Siaha-a YMA, MHIP, MUP, Mara Chano Py, Mara Thyutlia, Lai Women Association, YLA, V/C leh kohhran hrang hrang nu ho aiawhte an tel.

Meizial hâl

Aizawl Distrcit Anti Tobacco Squad-in COTPA bawhchhiat vanga ram dang siam mei­zial an man, cheng nuai 27 chuang hû nimin khan State Referral Hos­pital-a bawlhhlawh hâlna (incinerator)-ah an hâl. Cigarette an hâlte hi báwm (packet) 92,801 a ni.