NSS hmalakna leh kalphung sawifiah

National Service Scheme (NSS)-a Mizo-ram state NSS officer cum de-puty secretary Zir-lianngura chuan nimin khan a pisaah thuthar thehdarhtu
ṭhenkhatte kâwmin, NSS hmalakna leh kalphungte a hrilhfiah.

Zirlianngura chuan, kum 1972-ah Pachhunga University College-ah NSS din ṭan a nih thu sawiin, "Chumi hnuah college hrang hrangah din belh zel a ni a, kum 1996 aṭangin college-ah pre-university (PU) a awm tawh lo a, higher secondary school a pian tak avangin HSS lamah pawh NSS din chhoh zel a ni," a ti.

NSS Officer sawi dan-in, tun dinhmunah school leh college hrang hrangah NSS unit 310 a awm a, unit pakhatah zirlai 100 zel leh prog-ramme coordinator pakhat zel awm tur a ni.

Mizoram NSS hi kum 1991 thlengin NEHU hnuaiah a awm tih sawiin Zir-lianngura chuan, "Fund pawh an hnen
aṭangin dawn a ni a, report chi hrang hrangte pawh an hnena thehluh vek a ni. Kum 1988
aṭang khan a hranin state-in NSS Cell a nei ve a, hei hi State Liason Officer cum Deputy Secretary-in a ho a, October 21, 2016 aṭangin State NSS Officer cum Deputy Secretary tia thlak a ni," a ti.

Zirlianngura sawi danin, NSS-a sum ma-mawh zawng zawng chu sorkar laipui leh state-in an intum sem ṭhin a, kumin aṭang chuan sorkar laipuiin an tum vek tawh. Pawisa pek chhuah pawh state sorkar kaltlang loin NSS account-ah thun nghal a ni.

Mizoram NSS-te hian kum 2007-2016 (November thleng) chhungin thisen unit 15,692 an pe tawh a, thing 1,17,385 an phun tawh a, naupang 8,197 hnen-ah zenghri danna an pek bakah, faina hnatlang ṭum 889 an nei tawh a ni.