PHC fai ber lawmman dawn lawm

Bilkhawthlir Primary Health Centre (PHC) chuan, Kayakalp 2016 in-tih-siaknaa Kolasib dis-trict-a damdawi-in fai ber lawmman an dawn chu nimin khan an hmun-ah an lawm a, bialtu MLA K Lalrinthanga, par-lia-mentary secretary-in a hmanpui.

K Lalrinthanga chuan, Bilkhawthlir PHC-in lawmman pakhatna an dawng chu a lawmpui thu sawiin, "Khawtlang hruaitute leh tlawmngai pawlte nena thawhhona a fakawm hle. Medical officer quarters leh OPD building sakna atan rua-hman-na siam a ni a, a hlawh-tlin ngei ka beisei," a ti.

Kayakalp 2016 atan hian Bilkhawthlir damdawi-ina thawktute bakah, sorkar department dangte leh tlawmngai pawlte nen
ṭanghoin hmalak a ni a, sum leh pai leh thâ leh zung tam tak an sêng a ni.

Kayakalp hi Swachh Bharat hnuaia programme pakhat niin, sorkar damdawi-inte faina kawnga inelna a ni a, PHC bik hi district chhunga PHC dangte nen inelna neihtir a ni.

Bilkhawthlir PHC hian 91.3% hmuin, Kolasib dis-trict-a PHC pangate zingah pakhatna an ni a, lawmman pakhatna hian Rs. 2,00,000 leh thuziak a keng.