JJM sawihonaah PHE Minister a tel

January 27, Thawhlehni khan Ministry of Jal Shakti buatsaihin Jal Jeevan Mission (JJM) hnuaia thingtlang khuaa tui lakte enkawl zui dan tur chungchanga ruahmanna siam dan tur sawihona, ‘Minister-Level Policy Dialogue on Sustainable Operation & Maintenance of Rural Drinking Water Services’ Delhi-ah buatsaih a ni a, PHE minister Prof Lalnilawma a tel.

Jal Shakti minister CR Patil kaihhruai sawihonaah hian Prof. Lalnilawma chuan Mizoram dinhmun tlangpui a sawi a; Mizoram chu tui lakna hnârte khua aṭanga hla tak taka awm a nih hlawm thu a sawi a, "Tlang ram tan chuan chona lian tak a ni a, theihtawp kan lo chhuah ang," a ti a; JJM sum sorkar laipuia táng rei lutukte pe chhuak thuai ṭhin turin a ngen nghal.

JJM hi central sawrkar programme niin, thingtlang khaw tinte tan, tui connection a thlawna pekna tur scheme a ni. Mizoramah chuan tun dinhmunah hna hi zawh thawkhat tawh a ni. Kum 2019-2025 chhungin solar pumping scheme 188, gravity scheme 657 leh electric pump hmanga tui pump pasarih, a vaiin 852 thawh zawh a ni a, Mizoram thingtlang khua zawng zawngah hmalak a ni.