Kut hnathawktute kianga che tam turin Minister-in Horticulture officer-te a chah

Mizoram Horticulture Service Association (MHSA) chuan nimin khan State Guest House-ah Annual Conference an hmang a; khuallian Horticulture minister C Lalsawivunga chuan, kut hnathawktute kianga che tam turin officer-te a chah.

Horticulture Minister chuan, Mizoramin ei leh bara intodelhna kawnga ke a pênnaah an thiamna leh theihna hmang zel turin MHSA member-te a fuih a, "Tunlai thiamna leh hmanruate zir chianga hman ṭangkai zel a pawimawh," a ti a, kut hnathawktute kianga che tam a, field work-a hnathawhte a tam thei ang ber hmu turin a chah.

C Lalsawivunga chuan, Mizoram chu chemical hlauhawm hmang loa thlai thar chhuahna hmun a nih avangin ram pawn mite'n an ngaihhlut thu a sawi a, "Sorkar pawhin Mizoram chu organic state tih a hriat lar zel theih turin Handholding scheme hmalakna hnuaiah theihtawp chhuah a ni," a ti a; department dangte nen thawhho thiam a pawimawh thu sawiin, Horticulture chu Agriculture leh AH&Veterinary department-te ṭang kawp tlat an nih thu sawi.

Inkhawmpui chu 'Mizo sawhthing hlâwk zawka chin dan leh thar chhuah sa enkawl dan ṭha' tih a ni.