Resham Krishi Mela buatsaih

Central Silk Board, Ministry of Textiles leh Sericulture department chuan nimin khan Sericulture Training Institute, Zemabawkah Resham Krishi Mela an buatsaih a, Sericulture minister Lalthansanga’n a hmanpui.

Sericulture Minister chuan, Mizorama sericulture khai dingtu ber chu thingtlanga maimaw pangang khawitute an nih sawiin, "Bána kaih policy hnuaiah Chief Minister hoin chak taka ke pên mek a ni. Sericulture department thuam chak nan pawh hmalak reng a ni a, chak zawka hna thawh a nih theih nan thawktu mi thar pawh lak belh a ni," a ti a; maimaw pangang khawitute chu ṭhahnemngai taka thawk zel tur leh teirei peih turin a fuih.

Resham Krishi Mela-in a tum chu - maimaw pangang khawi hmanga thingtlang mite’n eizawnna ngêlnghet an neih theihna tur kawng kawhhmuh a ni.