Thenzawl area-ah BSI beihpui

Nimin Pathianni khan Bible Sunday a ni a; he ni pual hian Bible Society of India, Aizawl Auxiliary chuan BSI Thenzawl area chhungah beihpui an thlak. Senior auxiliary secretary Upa C Thangnghilhlova hoin BSI hruaitu mi parukte leh BESY Choir-te an kal a ni.

BSI hruaitute hian Inrinni zanah beihpui thlak ṭanin, Thenzawl leh Buangpui khuaa BSI-a tel kohhran hrang hrang - Presbyterian Kohhran, Baptist Church of Mizoram leh Salvation Army biak-in hrang hrangah hun an hmang a; nizan khan an zo a ni.

BSI Thenzawl area huam chhungah hian Presbyterian kohhran 10, Baptist kohhran pali, Salvation Army kohhran pathum, Seventhday Adventist kohhran pakhat leh Police Training School kohhran pakhat, a vaiin kohhran 19 a awm. Kumin April aṭanga tun thlengin member thar - chief patron member pali, patron member 13, life to patron member 19 leh life member 152 an nei tawh a ni.