Pangang khawina hmun enfiah

Central Silk Board, Guwahati joint secretary (Technical) Sarat Deori leh North East Region Textile Promotion Scheme (NERTPS) Evaluation team chairman Dr Nirmal Kumar te chuan, Integrated Sericulture Development Project (ISDP) hnuaia Chhingchhip Mualpui Sericulture Cluster an tlawh a, hnathawh dan leh hmalak zel dan tur an enpui.

Sarat Deori chuan, "He scheme hnathawh dan endiktute pawhin Chhingchhip Mualpui Cluster chu an lo en tawh ṭhin a, an hmalakna an fak hle a ni," a ti. Dr Anil Kumar chuan, Chhingchhip Mualpui Cluster hmalakna chu hmuhnawm a tih thu leh, a theih ang anga hmalakna zauh zel a duh thu a sawi.

Chhingchhip Mualpui Sericulture Cluster-ah hian ram ṭín 13 hmunah pangang chaw chîn a ni a, chhungkaw 12-te'n pangang vulhin, kumin aṭangin bul an ṭan. Chhungkaw 12-te hnenah hian Integrated Sericulture Development Project hnuai aṭangin pangang vulhna in, thlám, hmanrua, tui leh solar lamp-te a thlawna pek vek a ni.