FAO-in Phawngpui tlang enfiah

United Nations Organisation (UNO) hnuaia Food & Agriculture Organisation (FAO) hotute chuan, December 2-3, 2016 khan ramngaw leh nungchate chhe zel tur venna atan Phawngpui tlangah project kalpui theih a nih leh nih loh an enfiah.

FAO team leader Mark John leh a thawhpuite chuan December 2 khan Sangau an thleng a, Tourist Lodge-ah Sangau mipui an kâwm. FAO hotute chuan, FAO-in India ramah project panga a neih thu te, Mizorama hmalakna atan Dampa Tiger Reserve leh Ngengpui Wildlife Sanctuary an neih bakah, Pawngpui tlang chu telh theih a nih leh nih loh enfiah an tum tih an sawi.

John Mark hi New Delhi-a FAO pisaa thawk Sheema-i leh Assam-a Karbi Anglong aṭanga lo kal Julie leh Mizoram
aṭangin Horticulture specialist pahnih Lal-tlanmawii leh Peter Lalramhluna ten an ṭawi-
awm a ni.