Floor tile mistiri zirna khâr

Central YMA leh Mizoram Building & Other Construction Welfare Board ṭangkawpin, floor tile mistiri training an buatsaih chu Inrinni khan Central YMA Hall-ah khâr a ni.

A kharna inkhawm hi Labour Employment & Industrial Training minister Lalrinmawia Ralte-in a hmanpui.

CYMA general secretary Lalhmachhuana sawi danin, cement leh floor tile mistiri training hi Aizawl bakah, YMA sub-headquarters hrang hrangah November 1, 2016-ah ṭan a ni a; Aizawl khawpui chhung bikah mi 50-in an zir a ni.

Training-a telte chu an mamawh zawng zawng leh dearness allowance pek an nih bakah, a kharna inkhawmah hian tile cutter khawl leh a blade pahnih ṭheuh pek an ni.