Vawk note sem dan thlirho

NLUP third phase leh fourth phase hnuaia AH&Vety department-in vawk notê an sem mek chu nimin khan chief minister Lal Thanhawla hoin NLUP conference hall-ah thlirho a ni.

Meeting-ah hian, vawk note semna atana Operational Guidelines siam kenkawhna atana AH&Vety department hmalakna leh inpuahchahnate ngaihthlak a ni a; vawk note sem chhunzawm chung-changa October 25, 2016-a Chief Minister hoa meeting-a thutlukna siam zûlzuia AH&Vety hmalakna dan tarlan a ni bawk.

Chak zawka vawk note sem hna kalpui theihna tura ruahmanna siamte meeting-ah hian sawiho a ni a, a bawhzui dan tur an rêl nghal a ni.

Meeting-ah hian Agriculture minister R Lalzirliana, AH&Vety minister C Ngunlianchunga, Planning Board vice chairman H Liansailova, NIB chairman JH Roṭhuama leh sorkar official-te an tel.