Lirthei lian tlân theih loh

Traffic SP chuan thupek chhuahin, NH-54 kawngpui chu Edenthar Veng pêng bulah a chhiat avangin lirthei lian tan Bawngkawn lamah kal theih a ni hrih lo tih a tarlang.

Traffic SP chuan, lirthei liante tana Aizawl lut leh chhuak tur tana kawng awmchhun chu Hunthar Veng Company Peng aṭanga Vaivakawn lam kawng a ni tih sawiin, "He lai kawngpui hi rit phur lirthei liante tan tlan a harsa ṭhin hle," a ti.

Lirthei lian, Vaivakawn lam kawng chhoa kal turte chu harsatna awm loa an tlân theihna tur tâwka rit chiah phur tur te, ke 12 nei chin lirthei liante chu fimkhur Ieh zual turte leh, a theih chuan tlân lo zawk hial turin a chah a; lirthei lian ruak chu Silchar to Aizawl Road via Durtlang-Lungdai-Kawnpui kawngah tlân turin a ngen bawk.