World Soil Day hman a ni

Nimin khan World Soil Day a ni a, he ni pual hian Mizoram hmun hrang hrangah hun hman niin, Lungleiah chuan he ni pual hian Agriculture conference hall-ah hun hman a ni.

Inkhawmah hian khuallian addl. DC JH Lalrimawia chuan, " Leilung hi kan chenna a nih mai piah lamah mihring te tana pawimawh tam tak tui khawl khawmtu, lei-
ṭha pai khawm-tu, leilung hausakna chi hrang hrang pawm khawmtu, mihring nunna tobul leh in nghahna chhan a ni. Heti chung hian kan leilung enkawl dan, kan hmandan leh kan tana hlutna hrechiang lo takin duh duh dan in kan sawisa kual a, hemi avang hian leilung pawimawhna leh humhalh ṭhat dan zirtirna atak a he niah hian pek ṭhin a ni," a ti.

Inkhawma tarlan a nih danin, Mizoramah Soil Testing Laboratory pathum - Aizawl, Lunglei leh Kolasibah pakhat ṭheuh a awm a, mobile van pathum KVK Lengpui, KVK N. Vanlaiphai leh KVK Siaha-ah te pakhat ṭheuh dah a ni. Mizoramah Soil test turin hmun 7667 target siam a ni a, Lunglei ah chuan hmun 1678 target siam a ni a, heng atang hian lei ṭhat dan dinhmun a hriat theih dawn a ni.

Thingdawlah chuan World Soil Day hi KVK, Kolasib district buatsaihin Thingdawl YMA hall-ah hman a ni a, KVK mithiamtenkuthnathawktute thil pawimawh hrang hrang an zirtir nghal.

Inkhawmah hian Soil & Water Conservation-a district officer Lallungkhama chuan, "Lei dinhmun hi sorkar laipui pawhin an ngai pawimawh a, thlai chinna hmun tur lei dinhmun tarlanna soil card vaibelchhe 14 siam tuma hma lak mek a ni. Lei lung hman dan leh enkawl a nihdan chu beng sik a ngaihtuahtham a ni," a ti.

Siaha-ah chuan IPR conference hall-ah KVK buatsaihin World Soil Day hi hman a ni a, an district hmun hrang hrang aṭanga lakkhawm soil samples enfiahte tan Soil Health Card pek chhuah a ni.