Khawthlang Tuipuiah meilawng tlân leh ṭan

Tlabung bul Khawthlang Tuipuia meilawng (marboat) service chu June 2016 thla tìra tihtawp a nih hnuah nimin aṭang khan lirthei thiarkai nan hman leh ṭan a ni.

Marboat hi cheng nuai 15 chuang sênga siam a ni a, India leh Bangladesh inrina hungtu construc-tion company hrang hrangin an enkawl. Khawthlang Tuipuiah hian tun thlenga inkalpawhna lei dawh a la nih loh avangin ramri hungtute bakah, Tuipui kân tur mimal lirtheite pawh marboat hmang hian thiar kai ṭhin a ni.

Kumin June thla tîra fûr ruahsur vanga Khawthlang Tuipui a len hnuah marboat service chu tihtawp lailâwk a ni a, tui a kâm hnuah pawh marboat dinna hmun panna kawng a ṭhat loh avangin hun rei tak chhung a service lo a; nimin aṭang
khan a service leh ṭan ta a ni.

Khawthlang Tuipui râl khaw hrang hranga buhfai leh mipui mamawh dang phurtu lirtheite chu marboat hmangin thiar kai ṭhin a ni a, chawhrualin, marboat hmang hian ni khatah lirthei 30-35 vel thiar kai ṭhin a nih thu a enkawltute chuan an sawi.