Model Code of Conduct bawhchhiat chhan sawifiah turin DIC hriattir a ni

BJP, Mizoram Pradesh chuan Chawlhhmun Local Council bye-election awm turah Model Code of Conduct bawhchhiatna awma an hriat avangin complaint an thehlut a; chumi bawhzui chuan Aizawl district municipal election officer Kannan Gopinathan, Aizawl DC-in District Industries Centre-a General Manager chu ziaka insawifiah turin a hriattir.

BJP thuchhuah chuan, Commerce & Industries department-in November 25, 2016-ah Chawnpui Sports Centre-ah NLUP hnuaia Aizawl West-I leh Aizawl West-II biala petty trade thlang-tute hnenah NLUP ṭan-pui--na an sem tih an tarlang a; "LC bye-election awmna tur Chawlh-hmun LC hi Aizawl West-I constituency huam chhunga awm a nih avangin Model Code of Conduct bawhchhiatna chiang takah kan ngai," an ti.

Mizoram BJP chuan an secretary FH Lalzarliana hmingin Aizawl District Municipal Election Officer hnenah ziakin complaint a thehlut a; Aizawl DMEO chuan chhui nghalin, NLUP sem chu Model Code of Con-duct bawhchhiatna a nih avangin District Industries Cen-tre-a General Manager chu December 7, 2016 aia tlai loah Model Code of Conduct an bawhchhiat chhan sawifiah turin a hriattir ta niin an sawi. December 12, 2016 hma chuan Chawlhhmun LC huam chhungah ṭanpuina reng reng sem tawh lo turin a hriattir bawk.

Chawlhhmum LC bye-election neih tur atan hian State Election Commission chuan November 15, 2016-ah hriattirna a tichhuak a; hriattirna chhuah aṭangin Model Code of Conduct hman nghal a ni.