HIV/AIDS do dan leh enkawl dan sawiho

HIV/AIDS dona lama hma latu pawl, SHALOM chuan nimin khan Whitestone Hall, Aizawl­ah HIV/AIDS dona leh a kaihhnawih thil chi hrang hrang sawihona leh inràwnkhawmna hun an buatsaih a; HIV/AIDS dona leh a veite enkawlna lama thawkte leh kohhran aiawhte an tel.

Inràwnkhawmna hi SHALOM director Dr Chawnglungmuana'n a kaihruai a; presentation an siamah, Mizoram chu India ramah mihring awm zat aṭanga chhûtin HIV/AIDS tamna ber state a nih thu te, HIV/AIDS-a Mizoram din­hmun tarlan (statistics)-ah uchuak taka tih emaw, Central aṭanga sum hmuh tam duh vanga statistics dik lo siam a awm loh thute tarlan a ni.

Sawihonaah, Mizoramah hun rei tak HIV/AIDS do hna thawh a ni tawh chunga tlak­hniam aia zual lam a pan zel avangin, a do dan chu uluk taka en lêt a ṭul thu leh Pathian duh dan ang leh a malsawm tlaka hmalak a ṭul thu te, awareness/advertisement-ah condom hmang tura inzirtirna ringawt tarlang loin, mipat hmei­chhiatna hman sual chu Pathian duh loh zawng a nih thu tarlan tam a ṭhul thute sawi lan a ni.

Naupang/tleirawlte'n humsual an dai hmain, an dai lohna atan venhimna lam a pawimawh thu te, jail-ah skill development kalpui nasat a ṭul thu te, Social Welfare department lamin capacity building trai­ning an kalpui nasa a, jail-ah project an kalpui mek thute leh rawtna chi hrang hrang sawi lan a ni bawk.