Khawzawl MJA-in inkhawmpui hmang

Mizoram Journalists' Association (MJA), Khawzawl district chuan January 28, Nilaini khan Information & Public Relations pisaah Annual Conference an hmang a, IPRO Lalzara'n a hmanpui.

Lalzara chuan, MJA-te nen thawhhona ṭha tak an neih thu a sawi a, "Tunlaiah technology a ṭhang nasa a, hemi hmang ṭangkai thiam tur hian ṭan lak a ngai. Journalist nih chuan thil hriat duhna leh hriat chian duhna kan neih nasat a ṭul," a ti a, media platform hrang hrangte hmang ṭangkai turin MJA member-te a chah.

Inkhawmpiuah hian kum 2026-2028 chhunga hruaitu tur an thlang a, president atan Lalrotluanga Ralte, Khawzawl Times, vice president atan Lalthlamuani Ralte, SI-AR leh treasurer atan Lalrinhlua Ralte, SI-AR te an thlang. MJA, Khawzawl district hi May 23, 2025 khan din a ni.