Mamitah hunpui atan inbuatsaih

Nimin khan Mamit DC confe­rence hall-ah Mamit bawrhsap Dr Lalro­zama kaihhruaiin Krismas leh kumthar lo thleng turah mipuite'n harsatna an tawh loh nan leh hlim leh thlamuang taka an hman theih nan dan leh thupek kenkawh dan tur sawiho a ni. Police, tlawmngai pawlte leh khawtlang hruaitute thawhho a, duty turte chu police leh district administration hriatpuinaa duty ṭhin ni se, an ti.

Meeting chuan, dan phal loh leh khapna thupek an chhuah tawhte chu khawtlang hruaitute leh police-te'n ṭha taka en zui a, V/C-te pawhin veng chhung aurinna hmanga mipuite hriattir nawn ni se, an ti a; YMA duty-te chu district administration-in tlawh chhuakin, an thingpui inna senso tur chhût fel veka a rang lama hotute hnena thawn turin an ti. 

Lirtheia chetsualna pumpelh a nih theih nan leh mipui him tlân theih nan kawngpui dunga lirthei dahte chu Road Protection Squad lamin hmalak ni se, an ti bawk.Meeting-ah hian dan leh thupek kengkawhtu te, khawtlang hruaitute leh tlawmngai pawl aiawhte an tel a ni.