Zun leh êk thli sâwngbâwl dan inzirtir

Nimin khan PHE superintending engineer (Sewerage & Sanitation) C Chawnghnuna hoin Serchhip PHE EE pisaah Serchhip khawpuia tui luan khawmna tur siam dan leh zun leh êk thli sâwngbâwlna siamna tura ruahmannate inzirtirna hun hman a ni.

Chawnghnuna chuan, ruahtui tlate mumal taka dawnsawn loh avanga luang mai maiin leimin a siam ṭhin tih sawiin, chu chu PHE department-in an vei thu a sawi a, "Hemi atan hian kum 2014 khan policy mumal tak duan a ni tawh. Tunah hian storm drainage system a taka kalpui turin inbuatsaih mek a ni," a ti.

Septic tank a khahin paih a ngai ṭhin tih sawiin PHE SE chuan, "Ek paihtute'n an remchanna lai laia an paih avangin hriselna leh thiang­hlimna kawngahte harsatna tam tak a siam a ni. Hetiang tihbona tur hian department chuan ruahmanna a nei,' a ti a; sorkar laipuia mithiamte thuràwn angin tunah hian DRDO Biodigester-a Small Bore System hmang turin rua­hmanna siam a nih thu a sawi. He hun hi PHE executive engineer F Lalsanglura'n a kaihruai a, Serchhipa tlawmngai pawl hruaitu te, village council-te leh thuthar thehdarhtute an tel a ni.