Lunglei district-ah vawk lak luh khap

Lunglei district magistrate K Lalrinzuali chuan Cr.PC Section 144 hmanga thupek chhuahin, district dang aṭangin Lunglei district chhungah vawk lak luh khap a nih thu a puang.

Lungleia AH&Vety officer report leh Mizoram chhehvela vawk natna, Porcine Reproductive and Respiratory Syndrome (PRRS) leh Classical Swine Fever leh African Swine Fever lêng avangin Lunglei district tan a him theih nan thupek hi chhuah a ni a; thla hnih chhung hman tur niin, thupek zàwm lote chu IPC Section 188 hmanga hrem theih an ni. Thupek hian Commerce and Industries Director leh AH&Vety Director-in permit/licence a pekte erawh a huam lo.

    Lunglei MagistRate thupek

4    Vawk thi rêng rêng ṭha taka phûm vek tur.

4    Vawk thi rêng rêng khàmah emaw, 

luikawrah emaw paih loh tur.

4    Lunglei district chhungah district dang aṭangin vawk lak luh phal a ni lo.

4    Lunglei district aṭangin vawk thawn chhuah phal a ni lo.

4    Vawk talhtute’n vawk hrisel ṭha chauh talh tur a ni.

4    Vawk neitute’n vawk damlo an hralh tur a ni lo.