Lok Adalat-ah thubuai ngaihtuah

Mizoram State Legal Service Authority (MSLSA) bultumin January 31, Inrinni khan Mizorama district hrang hrangah Lok Adalat buatsaih a ni a, Gauhati High Court judge Justice Nelson Sailo-in a hmanpui.

Justice Nelson Sailo chuan, Lok Adalat-a thubuai neite chungthu ngaihtuahpui an nih dan chu ṭha tawka a hriat thu a sawi a; Lok Adalat chu mipui tan a ṭangkai avangin, thubuai ngaihtuahpui ngai neite chu inthlahrung loa mimal leh pawl harsatnate Lok Adalat-ah thehlut turin a sawm.

Lok Adalat hi court rorelna thleng loa mi inkara thubuai hlabuai chinfelna leh sawiremna a ni a; kum 2025 chhung khan Lok Adalat hmangin thubuai 1,037 chinfel a ni.