Bru lak lêt tur sawiho

Tripura relief camp-a Mizoram Bru lak letna kalpui turah venhimna kalpui dan turte rawn zir chianga Mizoram rawn tlawhtu, Ministry of Home Affairs-a special secretary MK Singla chuan nimin khan chief secretary Lalmalsawma a pisaah a kâwm a; Bru lak lêtna atana sorkar hmalaknate a sawipui.

Chief Secretary chuan, Mizoram sorkarin theihtawp chhuahin ruahmanna a siam bakah, Bru raltlante zirchianna pawh Tripura state-a refugee camp zawng zawngah hlawhtling takin neih a nih tawh thu a sawi a; Mizoram sorkarin a tih tur ṭulte a tih tawh thu MHA Secrectary a hrilh.

MK Singla chuan, January 2017-ah chuan Bru repatriation chu chinfel a nih tawh ngei sorkar laipuiin a duh tih sawiin, "Tun hmaa hmalaknate hlawhtling pumhlûm lo mah se, tun ṭuma Mizoram sorkar inpuahchahna chu a ṭha thawkhatin ka hria," a ti.

Chief Secretary hi Home secretary Renu Sharma, DGP Thianglima pachuau, Assam Rifles DIG Brig. MS Mokha leh BSF DIG Brig. Uday Pathania ten an ṭawiṭawm a ni.