Transport dept.-in Vairengteah chhiah nuai 86 an hmu tawh

Transport minister John Ro-tluangliana chuan INC member R Vanlalvena zawhna chhangin, Transport department-in kum kal mek 2016-17 chhunga November 2016 thlengin Vairengte checkgate aṭangin chhiah Rs. 86,05,949 an hmuh tawh tih House a hrilh.

John Rotluangliana sawi danin, Vairengte checkgate aṭang hian Transport department chuan kum-in sorkar kum chhung-in motor vehicle tax aṭangin Rs. 80,41,600, passenger & goods tax aṭangin Rs. 75,14,619 leh compounding fee aṭangin Rs. 45,16,500, a vaiin Rs. 86,05,949 a hmu a ni.

Kum 2015-16 chhung khan Vairengte checkgate aṭang hian Transport department chuan MV tax-ah Rs. 44,92,400, passenger & good tax-ah Rs. 42,95,670 leh compounding fee-ah Rs. 26,78,700, a vaiin Rs. 1,14,66,770 an hmu a ni.