‘I RAM LO THLENG RAWH SE’ THU KHAWCHANG

‘I ram lo thleng rawh se’ hmalakna kal zelah ni 25.11.2016 ni a Press Conference a Supporter sawmna booklet ka tlangzarh tuma ka thusawi, Supporter mi 300000 hmuh ka inbeisei thu ka sawi kha chanchinbu thenkhatah 300000 a hmuh loh chuan he hmalakna hi tih tawp a ni ang tia an lo ziah kha hriat sual palh a ni a, Supporter nuai thum kha kan target a ni a, 150000 pawh supporter hmu ta ila hmalak chhunzawmna nen sawrkarna chu siam thei ngei turah kan ngai a, tichuan nuai khat thleng pawhin hmu ila thawhpui dang kan neih tur te nen chuan sawrkarna la siam thei ngei turah kan la ngai tho a ni.

He lehkhabute supporter sawmna in tina kan rawn sem tur hi chhungkaw tin ten ngun taka min lo ngaihtuah pui a, a mei chelh a, a hnung kan zui mek hi kan tan sakei mei a lo ni reng lo maw tih ngaihtuah chungin in chhungkua puitling vote nei thei chin zawng te rawn ziak chhuakin min rawn support ngei turin kan sawm a che u.

Pu C.Laltanpuia’n Press Conference a Zoram dinhmun leh a siamthat na tur a sawi te hi L.P.S ah Nitin tlai dar 3:00 ah leh Zonet Zawlbuk ah Zantin dar 6:00 ah i lo ngaithla ve thin dawn nia. (2-1)