Synod Inkhawmpui 2016 rorel ṭan a ni

Mizoram Presbyterian Kohhrana rorelna sang ber, Synod Inkhawmpui vawi 93-naa rorel inkhawm chu nimin khan Durtlang Presbyterian Kohhran biak-inah ṭan a ni a; chak zawka pcal education kalpui rawtna an pawm.

Synod Inkhawmpuiah hian nimina rorel ṭan a nih hmain moderator kal chhuak Rev. H Lal-rinmawia'n Rev. Lal-zui-thanga hnenah mode-rator kawr hâktirin mawhphurhna a hlan a; Moderator thar kaih-hruainain rorel inkhawm neih a ni.

Kumin Synod Inkhawmpuia puipa dangte chu - secretary-ah Rev. Lianhmingthanga Sailo (Sr.) leh Upa R Dengzikpuia (Jr.), finance officer Rev. PC Pachhunga leh Rev. H Remthanga, statistician Upa Dr H Vanlalhluna, exe-cu-tive secretary Rev. Lal-ramliana Pachuau leh Rev. B Sangthanga te an ni.

Synod Inkhawmpui thurel zingah, tun aia chak zawka political education kalpui te, ram pum huapa social media chungchang zirhona buatsaih te, digital media hmanga rawngbawlna changtlung zawka kal-puite a tel a; Synod Executive Committee bawhzui turin an dah.

Hetih lai hian, zu zarwh phalna, MLPC Act titawp tura sorkara ngen rawtna chu pawm a ni lo a; Synod-in a kalpui sa reng leh zu zawrh a duh lohnaah a dinna ngai rengah a din avangin a hranpaa pass
ṭulah ngaih a ni lo.

Synod Inkhawmpui chuan kum 2017 Synod Inkhawmpui moderator atan tuna Mission Veng bial pastor Rev. F Lalrinnunga a thlang a; nakkuma Synod Inkhawmpui hun atan November 27 - December 10 ruatin, kum 2020 Synod Inkhawmpui thleng turin Dawrpui bial (Dawrpui biak-inah) an thlang.

Probationary pastor thawk lai 18 nemngheh tura rawtna leh pro.pastor atana lak thar mi 10-te dahngheh rawtna an pawm a; Pathianni chawhma inkhawmah nemngheh/dahngheh an ni ang. Pastor bial pali hawn thar rawtna an pawm a, Mizoram páwn lama mi vek a ni. Pastor leh pro.pastor ṭhahnem tak awmna tur siam rem an pawm bawk.

Synod Inkhawmpui rorel hi Inrinni thleng neih a ni ang.