Armed Forces Flag Day

Kum tin ram puma sipaite puala ni hman ṭhin, Armed Forces Flag Day chu Mizoramah pawh nimin khan hman a ni a, he ni pual hian Governor Lt.Gen. Nirbhay Sharma chuan thuchah a tichhuak.

Governor chuan, châwl loa ram venhimna hna thawk mek armed force pêng pathum - army, navy leh air force-a ṭang lai sipaite bakah, sipai báng leh ram tana nunna chán ta siapi eng emaw zatte hriatrengna ní-ah mipuiin an laka an batte hre reng turin mipui a chah a; he ni puala flag, badge leh thil dang hralha ṭanpuina thawhlawm khawn ṭhin chu theih-tawpa thlawp turin mipui a ngen.

Armed Forces Flag Day pual hian ex-servicemen leh NSS-te'n sorkar pisa, dawr, mimal leh khawlaiah flag, badge leh thil dangte an zuar a ni.

Sainik Welfare & Resettlement department chuan thuchhuah siamin, Armed Forces Flag Day puala indonaa nun chán ta nupui fanau te, hliam tuara ramtuileiloa awmte leh ex-servicement leh hmeithai harsa zualte tan car leh sticker flag an zawrh leisaktu zawng zawngte hnenah lawmthu an sawi.