2015-16 ah V/C tan cheng nuai 2120.25

Finance minister Lalsawta chuan MNF member Lalrinawma zawhna chhangin, Mizoram State Finance Commission pakhatna report anga kum 2015-2016 chhunga village council tana sum ruahman chu cheng nuai 2120.25 a nih thu House a hrilh.

Finance Minister sawi danin, State Finance Commission-in kum 2015-2016 chhunga sum pekna tura a report hi Mizoram sorkarin a la pawm loh avangin hman a la ni lo. Chuvang chuan, kum 2016-a sorkar State Finance Commission report a pawm hnuah local body-te hnena sum pek chhuahna turin May 4, 2016 khan office memorandum tihchhuah a ni.

Office memorandum-ah hian kum 2015-16 atana State Finance Commission-in recommendation a siam chu pawisa liam tawh (lapse) anga ngaih tur a nih thu leh, arrear emaw, instalment emaw angin state sorkar hnenah phût theih a ni loh thu tarlan a ni. Kum 2015-16 atana State Finance Commission recommend angin pawisa pek chhuah a ni dawn lo.