Bru lâk lêt turte awmna tur pawmpui

Tlabunga V/C leh pawl hrang hrangte chuan Tripura relief camp aṭanga rawn kîr tur Mizoram Bru-te chu Tlabung Sub-Division huam chhunga an awmna tura ruahman khuaa an awm an remti.

Nimin khan Tlabung SDO (C) M Misael hoin a pisaah Tlabung khaw chhunga V/C leh tlawm-ngai pawl hrang hrang hruaitute leh a kaihhnawih sorkar department hotute an ṭuhkhawm a, Tripura aṭanga Mizorama Bru lêt turte awmna tur chung-changa ruahmanna a siam dan an sawiho a ni.

Tlabunga V/C leh pawl hrang hrang aiawhte chuan, Bru-te awmna tura Tlabung Sub-Division huam chhung khaw pa-hnih ruahman a ni chu an dodal loh thu leh, rua-hmanna awm sa chu ṭha thawkhata an hriat thu an sawi.

Tripura aṭanga Mizoram Bru hruai kîr turte awmna tur hian Tlabung Sub-Division huam chhunga khaw pahnih - Dinthar leh Chawilung khuate chu ruahman a ni a; ruahkman dan chuan, Dintharah chhungkaw 130 vel leh Chawilungah chhungkaw 50 vel dah tura tih a ni.