Nature Tour-a kal turte vailiam

Nature Learning Centre (NLC) - Mizoram chuan college paruk aṭanga thlan zirlaite leh official mi 45-te tan Nature Tour a buatsaih a, nimin khan conservator of forests (Central Circle) Laltlanhlua Zathang-in Chief Wildlife Warden pisa kawt aṭangin a vailiam.

Nature Tour-ah hian Champhai College, Serchhip College, Zirtiri Residential Science College, Pachhunga University College, Aizawl College leh J Thankima College aṭanga zirlaite an tel. February 2-6, 2026 chhungin Kaziranga National Park, Guwahati Zoo, Ramsar site-Deepor Beel, Vulture Breeding Centre, Pygmy Hog Breeding Centre leh Conservation Centre pawimawh dangte an tlawh dawn a ni.