Chapchar Kût hman dan tur sawiho

Nimin khan Lunglei District Chapchar Kut 2026 Organising Committee chu an chairmanZoramdini, addl. DC hoin Lunglei DC conference hall-ah an ṭhukhawm a, Chapchar Kut huaihawt tura thil pawimawh hrang hrang an sawi ho.

Kumin Chapchar Kut hi "Zo nun ze mawi — Inremna" tih thupui hmangin March 13, 2026 (Zirtawpni) chawhma dar 10:30 aṭangin Lungleia C Ṭhuamluaia Mualah hman tura ruahman a ni. Lunglei Bawrhsap Navneet Mann chu Kut Thlengtu tur niin, Kut Pa atan Lunglei High Powered Committee (HPC) vice vhairman V Malsawmtluanga chu beisei leh sawm ni se, tih a ni.

Chapchar Kut nia hnam lam chi hrang hrang entir tur leh a lam tur te, zaithiam sawm tur leh chanvo hrang hrang nei tur te, ei in leh thuam thil hrang hrang zawrhna bekte (stall) ruahman dan turte leh thil pawimawh dangte sawiho a ni.